【多圖】首席拜金女Seasun被出賣 大量舊照流出!!

739

 

唔知有幾多成真嘅大台「真人騷」《有樓萬事足》前晚首映,焦點仍然落喺22歲、任職珠寶公關嘅「高潮女」Seasun(原名﹕鄧寶怡)身上。節目中,Seasun連整蛋糕都要著Deep V,仲對住鏡頭問﹕「你要甜品定要我?」極富挑釁性。

原來Seasun嘅大膽程度又豈止於此,噚日凌晨網上就爆出一輯Seasun嘅超激性感照,疑似喺時鐘酒店近乎全.裸、疑似流出,Seasun嘅反應出奇地平靜,一時答﹕「收了幾$,要退$啦。」一時又話﹕「其化(他)人有$(錢)收,我又冇$(錢)收,我慳番d(啲)水費。」講嚟講去都係同金錢掛勾。

噚日《蘋果》再收到讀者C小姐嘅爆相,呢輯相正常好多,係Seasun讀書時期嘅清純學生look相。讀者C小姐透露該輯相係Seasun於2008年開嘅facebook賬戶內見到,但現在已經停用。C小姐話﹕「佢以前叫Boey,有時又叫Bowie,佢好多英文名。佢以前喺荃灣一間band 3中學讀書,佢嗰陣已經係女神,好多男同學都鍾意佢。」睇番Seasun嘅學生相,其實樣貌同o依家…..都認得嘅,只係下巴尖咗少少,鼻樑直咗少少,個妝濃咗少少咁囉。而Seasun嘅合照好多都係同男同學一齊影,反而女同學欠奉,C小姐解釋﹕「得男仔搵佢影相囉,冇乜女仔鍾意佢,好多時獨來獨住,聽聞成績唔算太差,但就成日逃學,我見佢多數都係企訓導室門口,有時就畀人罰抄,好似仲試過中途退學添。」

《蘋果》都有致電Seasun求證,問佢係咪相中人?佢突然講整容話﹕「求其搵張相PS完,又要話人哋整容,我都冇嘢講。(你係咪校內女神?)誰知道。」隔咗一陣,Seasun就自爆以前係轉校生,家境一般,因為比同齡女仔早發育,所以被人改花名叫「鄧波兒」,又因偶爾遲到被叫「鄧波鐘」,佢話﹕「女同學常爬上廁格偷拍或潑水引注意。

《 有樓萬事足 》「高潮女」Seasun VS 「105%姐」Macy

無綫編導岑應製作的真人騷如《沒女大作戰》、《盛女愛作戰》及《沒有起跑線?》等,往往能成功掀起全城話題,昨晚首播的《 有樓萬事足 》,邀得一班不同背景、不同心態的港男港女如何在樓價高企的年代,用盡方法置業。其中最令人關注的莫過於拜金港女Seasun,露骨金句「有樓有高潮」令人嘩然;而另一個惡啃港女Macy亦引起公憤,佢食同住全部靠屋企,在外就靠男朋友俾錢,最後成功上樓… 唔怪得香港咁多男士都寧願單身啦!

港女Seasun:「我好貼地」

現年22歲的Seasun對於樓係相當執著,佢指出要有愛巢先會有高潮,有高潮受孕率先會高。(小編真係聽到反白眼…)

1. 有樓有高潮

Seasun所講的「有樓有高潮」惹人非議,佢就解釋高潮係建基於安全感,女性要喺一個安穩環境先會容易有高潮,以致關係會和諧。

現職公關的Seasun更指有男性送樓俾自己一定會接受,因為係對方的心意。當然,佢哋之間有冇結果又係另一回事,因為很多事都講唔定。咁又係呀,最好個個男朋友都送層樓俾你,然後俾你飛就最好啦!

不過有樓都未必能成功追求Seasun,除非你層樓「唔大唔細」,有2000呎或以上…

2. 無樓唔好白撞

除了「高潮論」,Seasun又講過:「無樓唔好白撞」,言下之意是有樓有錢的男人,先有資格親近自己。

3. 我好貼地

財經雜誌《港股策略王》2月15日搵來Seasun直播,以為佢會為自己平反,點知佢話:「其實我好貼地㗎喎⋯⋯」

相信每個人聽到Seasun的語錄後都不禁打了個頓,節目就搵來了一個男生向Seasun提出問題:「如果你老公好有錢,但一夫多妻制,你又接受到嗎?」Seasun竟然用猴子做例子回應…

至於2000呎的樓可能要數千萬,首期已經要一千萬,問到Seasun打算如何入手,佢就理所當然話係男方負責俾錢… 到底有邊個會甘願拜倒佢石榴裙下呢?

Seasun喺節目中博到盡上陣,不斷搔首弄姿,之後連整蛋糕都要瘋狂倒奶!Seasun又話如果將來同另一半住埋一齊,佢就會問整完蛋糕之後問對方:「Dessert你要佢定要我?」 小編無言了。

極品Macy只顧上樓

香港樓價高企、消費又高,普通人儲錢已經辛苦,想上樓簡直難過登天!但23歲港女Macy竟然可以每個月儲蓄105%,年紀輕輕成功上樓,到底佢如何做到?

1. 食、住在家

所謂「人無恥便無敵」,喺屋企食同住,所有洗費都唔會出。就連平日外出食飯,Macy都會選擇可以用八達通消費的地方,咁樣佢就可以叫家人再幫佢增值,好讓佢繼續月儲105%。

2.一毫子家用都冇

雖然Macy能成功上樓,但佢媽媽就直指Macy的行為相當自私,令佢好唔開心。

但Macy反指佢已經如此辛苦地節儉儲錢,家人應該給予佢鼓勵,而非指責。(小編:唔通你家人養活你又唔辛苦?)

3. 外出靠男友全數負責

相信就算冇第1、2點,Macy一樣會被千夫所指。因為佢出街理所當然咁用男朋友錢,自己一毫子都唔出,簡直係當今世上最罪大惡極的事!現時大家每日最關心就係鬧爆港女靠男人,男女不平等等等。「105%姐」,最好有心理準備節目播出後被圍攻!